Balseiro lembra que a tardanza no despregamento destes medios é consecuencia do restrado do Ministerio na convocatoria da reunión na que se decide e establece o operativo lóxistico e humano que aportan as distintas administracións

O PARTIDO POPULAR FELICÍTASE PORQUE O BUQUE DE TITULARIDADE AUTONÓMICA SEBASTIAN DE OCAMPO XA EFECTÚA TAREFAS DE APOIO E ASISTENCIA Á FLOTA QUE PARTICIPA NA CAMPAÑA DO BONITO

• O Grupo Popular rexistrou iniciativas para obrigar ao Ministerio a coordinar os medios lóxisticos a despregar antes do inicio da campaña e para esixirlle a que estes acompañen ás embarcacións desde o inicio ao fin da costeira.

A Mariña, 4 de agosto de 2011.- O voceiro do Mar do Grupo Parlamentario Popular, Jose Manuel Balseiro, deu a coñecer hoxe que o buque de titularidade autonómica Sebastian de Ocampo xa acompaña á flota que participa na costeira do bonito e continuará facendoo todo este mes, desenvolvendo tarefas de apoio e asistencia ao persoal embarcado. De feito, a tripulación deste buque, composta por buzos, técnicos e mecánicos se encargará de resolver calquera incidencia que poida producirse nas embarcacións que participan na costeira estival deste túnido.

Jose Manuel Balsiero lamentou que nesta ocasión os medios de apoio non puideran acompañar á flota boniteira, como era habitual, desde o inicio da actual campaña, a mediados do mes de xuño, debido á tardanza do goberno central en convocar a xuntanza de coordinación na que se decide e establece o operativo lóxistico e humano que aportan as distintas administracións. Esta reunión adoitaba a celebrarse semanas antes da saída dos barcos ao mar pero nesta ocasión non foi así. A propia Consellería do Mar remitiu unha carta á Secretaria General del Mar, preocupada pola situación e pola falta de resposta ante o ofrecemento dos medios de titularidade autonómica.

Cabe lembrar que non só o retraso na posta en marcha desta reunión provocou grande malestar no sector así como recorrentes críticas do Grupo Popular. Tamén a falta de compromiso do propio Ministerio que non foi quen de garantir durante toda a costeira a presenza dos seus medios navais. Durante varios días e incluso semanas o buque hospital e o buque da armada, propiedade do Estado, tampouco acompañaron á flota provocando unha situación de desprotección evidente.

Para evitar que esta situación poida volver a darse, o propio voceiro do Mar, Jose Manuel Balseiro, xa rexistrou sendas iniciativas parlamentarias dirixidas a obrigar ao Estado a convocar esta reunión de coordinación con carácter previo ao inicio da costeira e a garantir, polo tanto, que os medios navais das distintas administracións acompañen en todo momento á flota, desde o inicio ao fin da campaña.

En contraste coa falta de compromiso do Goberno central, a Xunta puxo a disposición no prazo convido o buque Sebastian de Ocampo, así como os dous helicópteros de Gardacostas, o Pesca I e o Pesca II. Neste caso apoiando ás emabrcacións que se atopen dentro do seu radio de acción, na fachada atlántica galega e tamén na parte oeste do Golfo de Biscaia máis próximo a terra. A Xunta de Galicia recuperou tamén as campañas de promoción do túnido entre os consumidores, que o goberno bipartito non desenvolveu en varias ocasións durante a pasada lexislatura.