Con motivo da cita electoral do 21 de outubro

 Balseiro designado coordinador de campaña do Partido Popular na provincia de Lugo

• Tamén forma parte do Comité de Campaña autonómico, que preside Alfonso Rueda e do equipo de redacción do programa electoral do PPdG que lidera Pedro Puy.

Lugo, 7 de setembro de 2012.- O secretario xeral do PPdeLugo e deputado mariñán, Jose Manuel Balseiro, foi designado coordinador da campaña dos populares provinciais con motivo das eleccións autonómicas do vindeiro 21 de outubro.

 Jose Manuel Balseiro xa foi o coordinador provincial da campaña no ano 2009. Daquela os populares lucenses acadaron oito dos quince escanos a repartir na nosa provincia: a maioría absoluta. Nesta ocasión o reto será ampliar estas boas cifras e facer de Lugo unha provincia decisiva na consolidación do proxecto popularque lidera Alberto Núñez Feijóo.

 OUTRAS RESPONSABILIDADES

 O deputado popular tamén formará parte do Comité de Campaña autonómico, que preside Alfonso Rueda e do equipo de redacción do programa electoral do PPdeG, baixo a dirección de Pedro Puy.

 SATISFACCIÓN E TRABALLO

 Jose Manuel Balseiro asegura que as responsabilidades que asume supoñen un “tremendo orgullo” e subliña que “toca traballar duro” para trasladar as propostas dos populares de cara a seguir contando coa “confianza maioritaria dos cidadáns”.

 “Temos o mellor dos candidatos, somos garantía de estabilidade fronte aos que representan experimentos caros e que xa teñen fracasado no pasado”-sentencia Balseiro Orol a modo de conclusión.

 UN SAÚDO