Un partido máis próximo

Deseñouse un amplo calendario que ao longo deste mes inclúe encontros na Mariña, Chantada-Ulloa, na Montaña, Terra Cha, Lugo capital, Sarria e Zona-Sur Monforte

O Partido Popular de Lugo inicia no Valadouro unha serie de xuntanzas con cargos públicos locais en cada unha das comarcas da provincia

Sede PP de Lugo5

  • Jose Manuel Barreiro quere analizar de primeira man as principais reivindicacións dos cidadáns e amosar o apoio da dirección provincial ao traballo que realizan os Grupos Municipais

Lugo, 3 de xullo de 2013.- O presidente do Partido Popular de Lugo e portavoz do Grupo Popular no Senado, Jose Manuel Barreiro iniciará este venres día 5 no Valadouro unha serie de encontros con cargos públicos locais (alcaldes, portavoces e concelleiros) que teñen previsto celebrarse ao longo de todo este mes de xullo en todas e cada unha das comarcas da nosa provincia.

A tal fin a dirección provincial deseñou un amplo calendario de reunións que inclúe, ademais desta primeira xuntanza na Mariña, (día 5, ás 19 horas, na Casa da Cultura do Valadouro) outras novas citas como son: en Antas de Ulla (comarcas de Chantada e Ulloa), nas Nogais (comarcas de Fonsagrada e A Montaña), en Vilalba (comarca da Terra Cha e Meira), Lugo capital e comarca, Sarria e un encontro en Monforte (comarca de Lemos e zona sur)

Nas xuntanzas participarán xunto a Jose Manuel Barreiro o secretario xeral provincial, Jose Manuel Balseiro, os novos coordinadores territoriais que forma parte da nova estrutura de dirección do partido, logo da celebración do XVI Congreso provincial, así como tamén os deputados nacionais, autonómicos, provinciais e senadores, en definitiva, todos os representantes da zona nas respectivas institucións.

UN PARTIDO MÁIS PRÓXIMO

Jose Manuel Barreiro quere coñecer de primeira man as principais reivindicacións dos cidadáns en cada comarca e amosar o apoio da dirección provincial aos afiliados e ao traballo que realizan, os distintos Grupos Municipais en cada concello.

“Estas reunións son fundamentais para ter un mellor coñecemento da situación da provincia, trasladar as necesidades dos distintos concellos ás distintas administracións e buscar iniciativas que permitan mellorar a calidade de vida dos cidadáns” –dixo Barreiro- tras insistir en que “queremos, en definitiva, reforzar a nosa estrutura territorial para facernos un partido máis próximo ao cidadán e máis efectivo na procura de iniciativas capaces de dar respostas ás inquedanzas de cada unha das comarcas”.

As xuntanzas territoriais servirán para marcar a folla de ruta a seguir logo de terse superado o ecuador da lexislatura municipal e propoñer un punto de encontro periódico entre os distintos cargos públicos electos. Nas mesmas tamén aproveitarase para transmitir e informar aos cargos locais do partido as políticas que se están desenvolvendo tanto no goberno nacional como autonómico.