Pescada do norte

Poblicado o por

O voceiro do Mar, Jose Manuel Balseiro, lembra que estamos a falar da especie comercial máis importante para a flota galega de Gran Sol e o seu aproveitamento é fonte de traballo para os profesionais do mar que desenvolven a súa actividade en preto de 90 embarcacións das flotas galegas de arrastre e palangre de fondo

O PARLAMENTO GALEGO APROBA POR UNANIMIDADE A INICIATIVA DO GRUPO POPULAR QUE DEMANDA UN AUMENTO DA COTA DA PESCADA DO NORTE

 Pleno

  • A Cámara galega esixe a Bruxelas que incremente as posibilidades de pesca desta especie para a presente anualidade, para o 2013
  • Balserio sinala que a Xunta e Ministerio xa teñen manifestada a súa vontade favorable para acadar esta reivindicación que tamén defende o sector pesqueiro galego
  • Representantes das principais organizacións pesqueiras asistiron ao debate, en sinal de apoio, desde a tribuna do Parlamento.

 

Santiago,  25 de setembro de 2013.- O Pleno do Parlamento de Galicia aprobou, por unanimidade, a iniciativa do Grupo Popular que demanda un aumento da cota da pescada do norte. Unha petición que a Cámara galega quere que se materialice xa para o ano en curso, reclamando a Bruxelas que autorice un aumento das posibilidades de pesca neste mesmo 2013.

O voceiro do Mar do Grupo Parlamentario Popular, José Manuel Balseiro, quixo salientar que estamos a falar dunha demanda especialmente beneficiosa para a flota galega do Gran Sol xa que se trata da pescada, a principal especie comercial para Galicia. De feito, o seu aproveitamento é fonte de traballo para os profesionais do mar que desenvolven a súa actividade en preto de 90 embarcacións das flotas galegas de arrastre e palangre de fondo, aos que habería que sumar un amplo sector transformador e comercializador.

ECO Á DEMANDA DO SECTOR

Balseiro tamén quixo amosar a súa satisfacción porque a Cámara galega asuma unha demanda que comparte o propio sector pesqueiro e agradeceu, en este senso, a asistencia dos representantes das principais organizacións da flota que estaban na tribuna do Parlamento en sinal de apoio a esta petición.

APOIO DA XUNTA E DO MINISTERIO

O portavoz popular do Mar tamén explicou que o acordo do Parlamento de Galicia engádese á posición favorable xa manifestada tanto pola Xunta como polo propio Ministerio do ramo que, “xa traballan nesta posibilidade e xa contan con importantes aliados como é o Goberno de Irlanda no seu intento de convencer ás autoridades comunitarias”,

En todo caso a iniciativa popular, queda reforzada co apoio unánime do Parlamento galego, isto é, co voto favorable de populares, socialistas, e deputados de AGE e do BNG, as catro forzas políticas con representación na Cámara

 PRECEDENTE

Balseiro Orol concluíu sinalando que Bruxelas ten base para adoptar esta decisión xa que logo a petición formulada para o aumento da cota da pescada tivo un precedente, o acontecido co aumento da cota dos lanzón no ano 2010. Naquel momento Dinamarca solicitou a e UE autorizou un incremento que afectou tamén ao TAC do ano en curso