Comisión 7ª

Poblicado o por

O voceiro das áreas de Mar e Montes, Jose Manuel Balseiro, formulará unha pregunta na Comisión de Agricultura e Montes do Parlamento de Galicia prevista para mañá mércores día 6 de novembro

O GRUPO POPULAR INTERÉSASE POLAS MEDIDAS DA XUNTA PARA ATENUAR A INCIDENCIA NOS BANCOS MARISQUEIROS DO ARRASTRE DAS CINZAS QUE PROCEDEN DE ESPAZOS AFECTADOS POR INCENDIOS FORESTAIS

Marcolax

 

  • A Xunta deseñou xa no mes de setembro un plan de prevención no que interviñeron distintos departamentos das consellerías do Medio Rural e do Mar e de Medio Ambiente, Territorio e Infraestruturas
  • Os populares din que coa chegadas das primeiras choivas torrenciais cómpre evitar situacións similares ás acontecidas en 2006 cando a falta de actuación do anterior goberno autonómico provocou importantes danos nos intereses pesqueiros e marisqueiros

  

Santiago, 5 de novembro de 2013.- O portavoz das áreas do Mar e de Montes do Grupo Popular, Jose Manuel Balseiro, formulará mañá unha pregunta na Comisión 7º do Parlamento de Galicia interesándose polas medidas que está a desenvolver a Xunta para atenuar a incidencia nos bancos marisqueiros do arrastre de cinzas procedentes de espazos afectados por incendios forestais.

PLAN DE PREVENCION NO MES DE SETEMBRO

Os populares lembran que, o Goberno galego, actuou con celeridade, deseñando “xa no mes de setembro” un plan de prevención do que forman parte as Consellerías do Medio Rural e do Mar e Medio Ambiente, Territorio e Infraestruturas- e, máis en concreto, a Secretaria Xeral de Medio Rural e Montes, a Dirección Xeral de Desenvolvemento Pesqueiro, o Intecmar, técnicos de Augas de Galicia, do Instituto de Estudos do Territorio e da Dirección Xeral de Conservación da Natureza.

QUE NON SE REPITA O DE 2006

Os populares coinciden co Goberno galego na importancia de que, chegadas a primeiras choivas torrenciais do outono, non se repitan os episodios acontecidos en 2006 cando a falta de planificación do anterior Goberno galego fixo que moitas destas cinzas acadaran os ríos e mares afectando ás especies acuáticas

DESCRICIÓN DOS TRABALLOS

O parlamentario popular queren saber en que consistiron e consisten as medidas que está a adoptar o actual Goberno galego, os espazos nas que se desenvolven e a eficacia concreta das iniciativas que buscan minimizar a fraxilidade do chan tras un incendio, e o traslado dos sedimentos aos ríos e ao mar.

Balseiro explica finalmente que, como se trata duns traballos que se executan naqueles espazos nos que tiveron lugar incendios próximos á costa ou aos ríos, neste senso amosará o seu interese particular polas medidas postas en marcha nas zonas de Carnota, Oia, Ribeira e Pontecaldelas, entre outros, onde tiveron lugar algúns dos incendios cuxas consecuencias entrañan maior risco.