Mar

O voceiro do Mar, José Manuel Balseiro, insiste en defender “a proposta de plan de xestión da sardiña elaborado polo sector do cerco e a Xunta, a través do Consello Galego de Pesca” e insiste en que a medida do Ministerio “ten como obxectivo evitar medidas restrictivas por parte da UE”

O PPDEG ACUSA AO BNG DE ACORDARSE DA FLOTA GALEGA “UNHA HORA NAS SÚAS VACACIÓNS” MENTRES A CONSELLEIRA ESTÁ “AO PÉ DO CAÑÓN TODO O VERÁN”

  PropA

Santiago,  20 de agosto  de 2014.- O voceiro do Mar do PPdeG, José Manuel Balseiro, lamentou hoxe os “exabruptos” do BNG ao que acusa de “acordarse da flota galega unha hora nas súas vacacións mentres a Conselleira está ao pé do cañón todo o verán”. Balseiro fixo referencia as manifestacións do voceiro do mar do BNG, Daniel Rodas, sobre o plan da sardiña,  “un señor desaparecido ao que se lle ocurríu gastar unha hora das súas vacacións para vir a erixirse o defensor da flota galega.

Balseiro Orol insistiu en que “dende o PPdeG defendemos a proposta de plan de xestión da sardiña elaborado polo sector do cerco e a Xunta, a través do Consello Galego de Pesca, no que se vai a seguir traballando e ten que ser ratificado polo resto das comunidades autónomas”.

Mentres se produce esta negociación, indicou o voceiro popular, e tendo en conta que Portugal xa publicara unilateralmente o seu propio plan de xestión, “o Ministerio ven de publicar como medida urxente un plan de xestión da especie co obxectivo de evitar que a Unión Europea impoña un TAC que poría ao sector ante o peor dos escenarios posibles por tratarse dunha medida moito máis restrictiva”.

Segundo Balseiro “valoramos positivamente o plan publicado por Madrid xa que serve para que a UE non impoña medidas restrictivas e que siga negociando entre as distintas comunidades sen esa presión de que Bruselas aprobe unha cota que sería seriamente prexudicial”.

 “Polo tanto, segundo Balseiro, vacacións son as do BNG que desperta unhas horas no verán para lanzar mensaxes oportunistas e así ter a súa cota de protagonismo, sen realizar unha análise da situación e  recurrindo ao insulto polo insulto aos membros do Goberno galego “empregando un cinismo inaceptable” dirixido aos que, ao contrario que eles, non marcharon de vacacións”.