Arte do xeito

O voceiro do Mar dos populares galegos sinala que a dirixente nacionalista é moi dada a confundir á opinión pública e dar imaxe de traballo en Europa a favor da nosa pesca cando non fixo nada

BALSEIRO ACUSA A ANA MIRANDA DE MONTAR UNHA CORTIÑA DE FUME PARA TAPAR QUE OS SOCIOS DO BNG EN EUROPA SON PROCLIVES Á PROHIBICIÓN DO XEITO

 PropA

  • Os nacionalistas non foron capaces de convencer aos deputados do grupo parlamentario europeo no que se integran (Os Verdes/Alianza Libre Europea) e tampouco cos que foron coaligados nas eleccións (Bildu) de que desistiran de incluír a arte do xeito entre as que Europa pretende prohibir.

 

  • Os populares confirman que a Xunta si fixo as alegacións oportunas, xunto co Ministerio e a Federación Galega de Confrarías, para que a UE estableza unha prohibición das artes de enmalle á deriva que non inclúa ao xeito.

 

Santiago, 14 de outubro de 2014.- O voceiro do Mar do Grupo Popular, Jose Manuel Balseiro, acusa á dirixente nacionalista Ana Miranda de montar unha cortiña de fume para tapar que os socios do BNG en Europa son proclives á prohibición das artes de deriva, entre elas o xeito, e que mesmo están entre os instigadores desta proposta normativa.

Balseiro explicou que o BNG ten un gran traballo que facer, xa que non foi capaz de convencer aos deputados do grupo parlamentario europeo no que se integran (Os Verdes/Alianza Libre Europea) e tampouco cos que foron coaligados nas eleccións (Bildu) de que desistiran de incluír a arte do xeito entre as que Europa pretende prohibir para o seu uso pesqueiro.

 O voceiro do Mar dos populares galegos foi moi crítico coa dirixente nacionalista de quen asegurou que é moi dada a confundir á opinión pública e dar imaxe de traballo en Europa a favor da nosa pesca cando non fixo nada. De feito nin tan sequera é eurodeputada e acude ás xuntanzas da Comisión de Pesca da Eurocámara como simple oínte para despois desvirtuar o traballo que fan, en defensa dos intereses pesqueiros galegos, os representantes populares, especialmente Francisco Millán Mon. Mesmo subliñou que Ana Miranda gabouse de terse reunido coa relatora desta norma no Parlamento Europeo, a socialista Renata Briano, para comunicarlle a importancia do xeito cando xa había semanas que este asunto lle fora trasladado dentro dunha Comisión de Pesca na Cámara europea por parte dos eurodeputados galegos.

 PROCESO DE CONSULTAS

 Balseiro aclara que o trámite de consultas aberto pola Comisión Europea en 2013, ao que fai referencia Ana Miranda, non é un proceso decisorio, senón un espazo de participación da sociedade, no que por exemplo, formularon propostas desde países de fóra da Unión Europea como Suíza ou anónimos como un participante que se identificou como “Pescador Lúdico”.

 Jose Manuel Balseiro aclarou que fai meses, en xuño, a Xunta de Galicia, en colaboración coa Federación Galega de Confrarías de Pescadores e xunto ao MAGRAMA, formulou oficialmente as alegacións oportunas para, excluír a arte do xeito da prohibición xenérica que o ano próximo pretenden impoñer desde Europa sobre o uso de redes de deriva.

 Os populares aclaran que este era o momento procesual oportuno, para dar testemuña da oposición ante esta prohibición que, aínda hoxe está a formulada en fase de proceso decisorio, polo que desde o Grupo Popular sinalan que é o tempo de convencer de que o xeito non sexa tratado como as grandes redes de deriva, xa que son artes tradicionais e está demostrado que exercen unha presión sobre os recursos moito menor.