Alcoa

Poblicado o por

Os populares lembran que levan toda unha lexislatura intentando corrixir a situación de quebra do sistema eléctrico despois de que o PSOE deixara máis de 30.000 millóns de euros de déficit

Balseiro pide ao PSOE menos titulares e máis prudencia e que deixe traballar aos que buscan unha solución estable para Alcoa

 Dibujo

  • Lembra que a factoría de San Ciprián logrou os incentivos eléctricos por interrumpibilidade necesarios para garantir o seu futuro e seguir producindo a prezos competitivos
  • Sinala que mentres o PSOE de Galicia busca facer política carroñeira e xerar alarma social sen achegar solucións, os seus homólogos en Asturias traballan conxuntamente coa Xunta e o Ministerio nun sistema que permita que as empresas manteñan a súa accesibilidade a unha enerxía a prezo competitivo

 

Cervo, 6 de decembro de 2014.- O secretario xeral dos populares lucenses e deputado autonómico, Jose Manuel Balseiro, pediu hoxe ao PSOE menos titulares de prensa e máis prudencia e apoio  para aqueles que están traballando, dun xeito discreto pero continuo, nunha solución estable para o problema enerxético de Alcoa.

Balseiro lembra que mentres o PSOE se dedica a facer política carroñera e xerar alarma social sen achegar propostas en positivo, o Goberno galego mentres, segue a traballar para sumar a traballadores, empresa e Ministerio a unha solución que garanta a viabilidade da compañía e salvagarde os postos de traballo.

Nese senso lembra que a Xunta está a manter contactos co Goberno do Principado de Asturias e co Ministerio, falando de traballar conxuntamente á hora de atopar solucións á situación na que se atopa esta empresa e, moi en particular, nos centros de traballo desta multinacional en Avilés e Asturias.

O deputado popular explicou que as administracións populares levan toda unha lexislatura intentando corrixir a situación de quebra na que se atopa o sistema eléctrico despois de que o PSOE deixara máis de 30.000 millóns de euros de déficit.

 FACTORÍA DE SAN CIPRIÁN

 Balseiro quere insistir, en todo caso, en actuar con prudencia e nese senso considera importante lembrar que a  factoría de San Ciprián logrou os incentivos eléctricos por interrumpibilidade necesarios para garantir o seu futuro e seguir producindo a prezos competitivos, e confía en que unha segunda poxa, á que debe acudir Alcoa,  poida garantir tamén a continuidade nos centros de traballo de Avilés e A Coruña.

 MARCO ENERXÉTICO ESTABLE

 O secretario xeral dos populares lucenses sinala que o seu esforzo, como o das administracións implicadas, seguirá centrado en que, tanto Alcoa como o resto de compañías nesa mesma situación, garantan a súa posición e, de cara ao futuro, o sistema permita que as empresas manteñan a súa accesibilidade a unha enerxía a prezo competitivo.

 Balseiro conclúe insistindo en que debemos ser prudentes e apelar á procura dunha solución definitiva que garanta a viabilidade de todas as empresas grandes consumidores  de enerxía, nun marco enerxético estable.