O dirixente popular vai máis aló e apunta como imprescindible que, de cara ao futuro, se estableza un marco de diálogo que articule novas solucións a medio e longo prazo

Balseiro reitera todo o seu apoio aos traballadores de Alcoa e insiste na urxencia dunha poxa extraordinaria que ofreza un prezo enerxético competitivo para o aluminio

• Lembra que o presidente da Xunta lidera múltiples contactos cos directivos de Alcoa, Ministerio de Industria e Rede Eléctrica Española na procura dunha solución estable que garanta a continuidade da actividade industrial desta compañía

Santiago, 17 de decembro de 2014.- O secretario do Parlamento galego e deputado autonómico, Jose Manuel Balseiro reiterou hoxe o seu máximo apoio aos traballadores de Alcoa e insistiu como medida inmediata na urxencia da celebración dunha nova poxa, de carácter extraordinario, que ofreza un prezo enerxético que permita producir aluminio de xeito competitivo tamén para os centros de traballo desta multinacional na Coruña e Avilés.

Balseiro defendeu as distintas iniciativas que, lideradas polo presidente da Xunta, Alberto Núñez Feijóo, se están desenvolvendo ao máis alto nivel e en todas as frontes: ante o Ministerio de Industria, cos directivos de Alcoa, e Rede Eléctrica Española, dirixidas á procura dunha solución estable que garanta a continuidade da actividade industrial desta compañía.

SAN CIPRIÁN

O deputado popular sinala que a situación dos centros de traballo da Coruña e Avilés nada ten que ver coa da factoría de San Ciprián, por canto esta ten maior músculo: pola súas dimensións e unha capacidade de produción e competitividade moito máis reforzada, tamén pola maior modernidade das súas instalacións e porque afronta as poxas acadando os incentivos eléctricos que precisa.

FUTURO

Con todo, o dirixente popular vai máis aló e apunta como imprescindible de cara ao futuro da actividade e para blindar a situación laboral de Alcoa que, unha vez superada a situación actual, se estableza un marco de diálogo que articule novas solucións a medio e longo prazo, que eviten a incerteza que cada ano podería establecerse sobre o futuro da compañía e a súa actividade