José Manuel Balseiro, secretario xeral do PP de Lugo, xunto ao candidato popular á alcaldía, Tobías Martínez, quixeron render contas da acción do Goberno galego, salientando que foi o maior esforzo inversor fixo no municipio

O PP asegura que, desde que Feijoo é presidente, a Xunta investiu 49,5 millóns de euros na Fonsagrada

• Cada ano o Goberno galego destina 8,28 millóns de euros en beneficio dos veciños deste concello, unha cantidade que multiplica por sete os investimentos da Deputación neste mesmo período

A Fonsagrada, 24 de abril de 2015.- O secretario xeral do Partido Popular de Lugo, Jose Manuel Balseiro, acompañado do candidato popular á alcaldía da Fonsagrada, Tobías Martínez, quixeron facer esta mañá balance dos últimos seis anos de goberno autonómico na Xunta

 Os populares explicaron que, desde que Alberto Núñez Feijóo preside o Goberno galego, a Xunta de Galicia investiu 49,5 millóns de euros no municipio da Fonsagrada, isto é, cada ano a administración autonómica achega 8,28 millóns de euros para financiar obras, servizos e novos investimentos en beneficio dos veciños deste municipio.

 COMPARATIVA COA DEPUTACIÓN DE LUGO

Desde o PP aseguran que non hai ningunha outra administración que teña realizado maior esforzo inversor na Fonsagrada que a Xunta de Galicia, ata o punto que, as achegas do Goberno galego multiplican por sete as realizadas pola Deputación de Lugo neste mesmo período

 “Mentres que o Goberno galego investiu 49,5 millóns de euros nos últimos seis anos, a Deputación de Lugo só achegou 6,5 millóns de euros neste mesmo período. En tan só un ano a Xunta achegou máis que a Deputación en seis”

 Para afondar neste esforzo inversor da Xunta de Galicia, os populares salientaron que as achegas poden dividirse en dous amplos grupos: en primeiro lugar, as obras e servizos directos con destino concreto nesta localidade que superan o 3,5 millóns de euros, ás que, en segundo lugar, haberá que engadir outros 46,03 millóns de euros máis, en recursos correspondentes a partidas xenéricas e das que tamén foi beneficiario este concello de xeito directo.

 INVESTIMENTOS MÁIS RELEVANTES

 Entres as achegas máis relevantes da Xunta atopamos os investimentos no ámbito do emprego e benestar, que superan os 1,8 millóns de euros, os 547.000 que a Xunta destinou a financiar diversas obras con cargo ao Fondo de Compensación Ambiental, e os 238.000 euros que a Xunta destina –a través da Secretaría Xeral de Medios- a adaptación e mellora dos equipamentos de recepción da Televisión Dixital Terrestre.

RELACIÓN DE INVESTIMENTOS

PARTIDAS TERRITORIALIZADAS