Marisqueo

Poblicado o por

O voceiro do Mar, Jose Manuel Balseiro, interpelará á directora xeral de Desenvolvemento Pesqueiro pola avaliación da campaña de erradicación destas especies invasoras

O GRUPO POPULAR INTERÉSASE NO PARLAMENTO POLO PLAN CONTRA A CANAILLA E O BUSANO PROMOVIDO POLA CONSELLERÍA DO MAR E A CONFRARÍA DE O GROVE

1650-canailla500x500

  • Estas caracolas, orixinarias do mar Mediterráneo, poden consumir entre tres e cinco quilos de marisco ao ano, cos consecuentes prexuízos económicos para os profesionais do marisqueo.

Santiago, 17 de novembro de 2015.- O voceiro do Mar do Grupo Popular, Jose Manuel Balseiro, formulará mañá unha pregunta na Comisión de Pesca e Marisqueo do Parlamento galego na que se interesa polo plan desenvolvido, en colaboración entre a Consellería do Mar e a Confraría de Pescadores de O Grove, para a erradicación das especies invasoras Bolinus brandaris (canaílla) e Hexaplex trunculus (busano)

 Estas caracolas predadoras do marisco son orixinarias do mar Mediterráneo e probablemente se introduciron en augas do Grove de xeito accidental a través de sementes de ostra para o engorde batea. A súa capacidade destrutiva vén dada porque cada exemplar pode consumir entre tres e cinco quilos de marisco ao ano, cos consecuentes prexuízos económicos para os profesionais do marisqueo.

 CONDICIONANTES FÍSICOS E NATURAIS

 Balseiro lembra que distintos condicionantes físicos e naturais, como a presenza dunha herba mariña, a seba (Zoostera sp) e as boas temperaturas da auga, converteron ao mar do Grove nun espazo ideal para a proliferación destas especies invasoras.

 Tanto a Confraría de pescadores de O Grove como a Consellería do Mar, co apoio dos centros de investigación mariña, desenvolveron unha campaña de erradicación o pasado verán financiados polo Goberno galego, na que participaron diversas embarcacións e mergulladores que habitualmente traballan na recollida da navalla. O obxectivo era eliminar os niños no fondo do mar e a retirada destas especies para a súa destrución.

 O portavoz popular pedirá á directora xeral de Desenvolvemento Pesqueiro, Susana Rodríguez Carballo, que dea conta dos traballos desenvolvidos, así como da avaliación da campaña de destrución da canaÍlla e do busano para evitar a súa proliferación polo resto da ría e das augas galegas.