Consello da Xunta

A PRÓXIMA SEMANA COMEZAN OS TRATAMENTOS CON RADIACIÓNS IONIZANTES NO ACELERADOR LINEAL DE RECENTE INSTALACIÓN NO HOSPITAL LUCUS AUGUSTI

DCSS

O titular do Goberno galego, Alberto Nœ–ez Feij—o, presidir‡ a reuni—n do Consello da Xunta.

  • Trátase do principal arsenal terapéutico contra o cancro, de alto grao de especialización; un tratamento eficaz, preciso e seguro

Esta semana recibíronse os primeiros pacientes nas consultas do novo Servizo de Radioterapia do Hospital Lucus Augusti, e durante a próxima semana iniciaranse os tratamentos con radiacións ionizantes no acelerador lineal de recente instalación. Trátase do principal arsenal terapéutico contra o cancro, de alto grao deespecialización, eficaz, preciso e seguro.

 Esta nova tecnoloxía que se pon en marcha no HULA permitirá ofrecer con maior accesibilidade e proximidade os tratamentos máis punteiros de radioterapia para os pacientes lugueses que padecen cancro.

 O acelerador lineal que entrou en funcionamento incorpora banda tecnolóxica innovadora e inclúe dúas modalidades de altas prestacións (técnicas de tratamento): a radioterapia intensidade modulada (IMRT) e a radioterapia guiada por imaxe (IGRT). O servizo inicia a súa actividade con seis pacientes ao longo da primeira semana de abril e irase realizando un crecemento progresivo a medida que os profesionais vaian finalizando as simulacións e precisións que precisan os equipos desta tecnoloxía. Está previsto que acade o seu óptimo rendemento en mes e medio, con 15-20 usuarios diarios.

 Este incremento gradual de actividade asistencial permitirá ir asumindo os pacientes a tratamento con radioterapia do cancro que actualmente tiñan que desprazarse á Coruña para seren atendidos.

 Así mesmo, despois do verán está previsto que sexa instalado un novo equipo, un segundo acelerador lineal que incorpora banda extensiva, para seguir aumentando o rendemento deste novo Servizo de Radioterapia de Lugo.

 O investimento tecnolóxico realizado pola Xunta de Galicia para poñer en marcha estas altas prestacións na provincia de Lugo ascende a un total de 7.757.846,73 euros.

Deste xeito, increméntanse e mellóranse ratios e realízase un salto tecnolóxico como un paso máis na dotación de alta tecnoloxía no Sergas, como obxectivo básico e irrenunciable, ofrecendo una atención asistencial cos mellores recursos e especialistas dispoñibles.