O coordinador comarcal dos populares asegura que no PSOE, están temerosos por seguir desplomándose tras obter nas últimas eleccións xerais s seus peores resultados na comarca
Balseiro: “Os insultos do PSOE evidencian o nerviosismo socialista ante un PP fortalecido na Mariña lucense”
- Di tamén que o peso do PP na Mariña demóstrase nos orzamentos da Xunta: o maior investimento do conxunto da provincia e infinitamente superior ao que recibía co bipartito
A Mariña, 16 de maio de 2016.- O novo coordinador comarcal dos populares, José Manuel Balseiro, asegurou hoxe que os insultos que contra el dirixen desde o PSOE amosan o nerviosismo socialista ante un proxecto –o do Partido Popular da Mariña lucense- que fortaleceuse como resultado do Congreso celebrado no día de onte.
Balseiro está convencido de que no PSOE da Mariña están temerosos de seguir “en caída libre” e por iso reaccionan con tanta agresividade ante un Partido Popular que toma a iniciativa para traballar en defensa desta comarca e dos seus veciños.
Lembra o dirixente popular que os socialistas nas últimas eleccións xerais obtiveron os peores resultados electorais da súa historia nesta comarca, e que todo a punta a que están temerosos ante a posibilidade de que o 26J continúen desplomándose.
Balseiro indica que o PSOE da Mariña, tan pouco afeito á democracia interna, non acaba de asimilar que os populares lideren un proxecto de elección directa dos seus dirixentes, en contraste cos dedazos que o PSdeG empregou par designar á súa Executiva provincial e comarcal, e incluso ao seu deputado autonómico.
Balseiro di tamén que é curioso que os socialistas aseguren que A Mariña non ten ningún peso no PP, cando unha alcaldesa da zona é a presidenta provincial, e bisbarra recibe o maior investimento da Xunta na provincia, con orzamentos infinitamente superiores aos que existían co bipartito.
